Un autre monde es sus lo chamin
Un autre monde est en marche

Votatz Bové !


Acuelh dau sit > Occitan > Anem ! per la lenga occitana, òc !

Anem ! per la lenga occitana, òc !

publicat per  Maxime, lo diluns 26 de belier de 2007

Totas las versions de quel article:

Apelada per la manifestacion dau 17 de març de 2007 a Besièrs.

La preservacion de la diversitat linguïstica e culturala dins lo monde es un pretzfach essenciau de menar dins las annadas que venen.

Mas en França, tot-parier, la lei entraupa quela preservacion. La lenga occitana, especialament, es menaçada perque avem pena politica positiva per sa transmission.

Alaidonc, dins tots los país occitans, fau far eisir un temps jauvent per l’ensenhament de la lenga e dins la lenga, per la creacion culturala occitana, per la preséncia de l’occitan dins las medias electronicas, audiovisualas e escrichas, per son usatge dins la vita publica e sociala. Tot quò quí aisinará segur e balhará dau lanç a la transmission familiala de la lenga.

Los medias

Volem un servici public de radiò e de television en occitan. Damandem una ajuda especifica per los operators privats (radiòs associativas, premsa, televisions) que trabalhen per la lenga.

La creacion

Lo sosten a la creacion, quò passa per una politica especifica per l’edicion, lo teatre, l’espectacle viu en generau, lo cinemà e la musica. Lo monde deven poder descubrir una cultura ben pro sarrada.

L’ensenhament

Fau que chascun puecha chausir un ensenhament a sa mòda :
- un ensenhament en occitan (bilingüe a paritat orària o en immersion) ;
- un ensenhament de la lenga e de la cultura occitanas ;
- un ensenhament per los adultes. Quò vòu dire una politica d’òfra generalizada.

La vita publica

L’occitan deu se trobar present dins la vita publica. Quò vòu dire per exemple :
- lo respiech de la toponimia e la mesa en plaça d’una sinhalisacion bilinga,
- un encoratjament a usar la lenga dins los luòcs publics e dins la vita sociala.

Totas quelas damandas an per tòca de far viure una lenga e de permetre a los que zo vòlen de l’emplejar. S’adrecen au còp a las collectivitats localas occitanas (comunas, comunautats de comunas, despartaments, regions) e a l’Estat. Chascun deu arregir çò qu’es de sa responsabilitat. Quo es a l’Estat de ’dobar sa legislacion.

Lo collectiu « Manifestar per l’occitan » :
- Institut d’Estudis Occitans, organisme culturau reconegut d’utilitat publica
- Felibrige, movement de defensa de la Lenga d’Òc
- F.E.L.C.O. Federacion daus Ensenhaires de Lenga e Cultura d’Òc
- Calandreta, escòlas occitanas associativas laïcas
- Òc-Bi, associacion de parents d’escolans per l’ensenhament bilingüe public
- Conselh de la Joventut d’Òc, plata-fòrma de la jounessa


Votatz Bové ! | publicat sos licéncia Creative Commons by-nc-nd 2.0 fr | generat dinamicament per SPIP & Blog'n Glop.